Mtwara: DC Newala Akabidhi Vifaa Vya Ujenzi kwa Shule za Msingi na Sekondari

Mkuu wa Wilaya ya Newala Mhe. Aziza Mangosongo akimkabidhi Mwenyekiti wa Bodi ya Shule ya Sekondari Kiuta, Abdullah Chikoya (kulia) vifaa vya ujenzi wa vyoo vya walimu na wanafunzi katika shule hiyo. Vifaa hivyo vimepatikana kupitia kampeni ya 'Shule ni Choo' iliyoanzishwa na Mkuu wa Mkoa Mhe. Gelasius Byakanwa Ikilenga kuondoa changamoto ya matundu ya choo kwa shule za msingi na sekondari mkoani Mtwara. Kushoto ni Katibu Tawala wa Wilaya hiyo, Daniel Zenda.

Mkuu wa wilaya ya Newala Mhe. Aziza Mangosongo amegawa Vifaa vya Ujenzi wa vyoo kwa shule za msingi na sekondari wilayani Newala. vifaa hivyo vimepatikana kupitia kampeni ya ‘Shule ni Choo’ iliyoanzishwa na Mkuu wa Mkoa huo Mhe. Gelasius Byakanwa ikiwa na lengo la kuhakikisha mkoa unaondokana na changamoto ya matundu ya vyoo.

Akizungumza wakati wa kugawa vifaa hivyo Mheshimiwa Mangosongo amewashukuru Wadau wote waliofanikisha zoezi hilo. Ametoa pongezi maalum kwa Mkuu wa Mkoa huo Mhe. Gelasius Byakanwa kwa kuwa mbunifu na kuja na kampeni hiyo.

Amewataka Wenyeviti wa Bodi za Shule, Waratibu Elimu, Wakuu wa Shule na Walimu Wakuu na Watendaji wa Kata kuendelea kusimamia Ujenzi wa Vyoo hivyo ili ndani ya wiki moja awamu ya kwanza ya ujenzi iwe imekamilika.

vifaa vilivyotolewa ni pamoja na Saruji mifuko 320,Nondo 20,Mabomba 20,Masinki ya vyoo ,Ndoo mbao na Makopo ya Rangi